سارہ منیر کی سالگرہ

Posted on 31/08/2007. Filed under: بلاگ اور بلاگرز, رسم و رواج | ٹيگز:, , |

میری پیاری بیٹی سارہ منیر اللہ کے فضل و کرم سے پورے تین سال کی ہو گئی ہے۔ بیٹیاں اللہ کی رحمت ہوتیں ہیں اس لئے پیاری بھی بہت لگتی ہیں۔ سارہ جوں جوں بڑی ہوتی جا رہی ہے اس کے معصوم اور نرم گرم سوال بھی بڑے ہوتے جا رہے ہیں، اس لئے اب کوئی کام کر لے تو فورا کہتی ہے “دیکھو بابا میں بڑی ہو گئی ہوں“ اور بابا اس کی اس معصوم ادا پر صدقے واری ہو کے رہ جاتا ہے۔
١٤ اگست کی رات کو بازار میں بڑی بھیڑ ہوتی ہے اور اہم عمارات کو دلہنوں کی طرح سجایا ہوا تھا میں طٰہ اور سارہ کو گھماتے  ہوئے جب الفلاح بینک اور میزان بینک کی عمارتوں کے سامنے پہنچا (دونوں عمارتیں واقعی دلہن کی سجی سنوری ہوئیں تھیں) تو سارہ نے کہا
بابا آج کس کی شادی ہے؟  (اس نے اب تک شادی بیاہ پر ہی عمارتوں کو سجا ہوا دیکھا تھا)
آج پاکستان کی شادی ہے بابا، ١٤ اگست ہے نا، آزادی کا دن اس لئے
کس کا ١٤ اگست؟
ہمارا ١٤ اگست، پاکستان کا ١٤ اگست
خوش ہو کے، ”ہمارا ١٤ اگست ہے، ہمارا پاکستان ہے۔”

بیٹیاں پھولوں کی طرح ہوتی ہیں
بیٹیوں کے بارے میں دو نظمیں



تپتی زمیں پر آنسوؤں کے پیار کی صورت ہوتی ہیں

چاہتوں کی صورت ہوتی ہیں

بیٹیاں خوبصورت ہوتی ہیں

دل کے زخم مٹانے کو

آنگن میں اتری بوندوں کی طرح ہوتی ہیں

بیٹیاں پھولوں کی طرح ہوتی ہیں

نامہرباں دھوپ میں سایہ دیتی

نرم ہتھیلیوں کی طرح ہوتی ہیں

بیٹیاں تتلیوں کی طرح ہوتی ہیں

چڑیوں کی طرح ہوتی ہیں

تنہا اداس سفر میں رنگ بھرتی

رداؤں جیسی ہوتی ہیں

بیٹیاں چھاؤں جیسی ہوتی ہیں

کبھی بلا سکیں، کبھی چھپا سکیں

بیٹیاں اَن کہی صداؤں جیسی ہوتی ہیں

کبھی جھکا سکیں، کبھی مٹا سکیں

بیٹیاں اناؤں جیسی ہوتی ہیں

کبھی ہنسا سکیں، کبھی رلا سکیں

کبھی سنوار سکیں، کبھی اجاڑ سکیں

بیٹیاں تو تعبیر مانگتی دعاؤں جیسی ہوتی ہیں

حد سے مہرباں، بیان سے اچھی

بیٹیاں وفاؤں جیسی ہوتی ہیں




پھول جب شاخ سے کٹتا ہے بکھر جاتا ہے
پتّیاں سوکھتی ہیں ٹوٹ کے اُڑ جاتی ہیں
بیٹیاں پھول ہیں
ماں باپ کی شاخوں پہ جنم لیتی ہیں
ماں کی آنکھوں کی چمک بنتی ہیں
باپ کے دل کا سکوں ہوتی ہیں
گھر کو جنت بنا دیتی ہیں
ہر قدم پیار بچھا دیتی ہیں
جب بچھڑنے کی گھڑی آتی ہے
غم کے رنگوں میں خوشی آتی ہے
ایک گھر میں تو اُترتی ہے اداسی لیکن
دوسرے گھر کے سنورنے کا یقیں ہوتا ہے
بیٹیاں پھول ہیں
ایک شاخ سے کٹتی ہیں مگر
سوکھتی ہیں نہ کبھی ٹوٹتی ہیں
ایک نئی شاخ پہ کچھ اور نئے پھول کھِلا دیتی ہیں۔۔۔۔

Make a Comment

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google photo

آپ اپنے Google اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s

15 Responses to “سارہ منیر کی سالگرہ”

RSS Feed for Pakistani Comments RSS Feed

مبارکباد.
اللہ سائیں اس کے نصیب اچھے کرے.
آمین.

اللہ بچی کو تین سال مبارک کرے ۔ سدا صحتمند و تندرست اور خوش و خوشحال رکھے ۔

سارہ کو سالگرہ بہت بہت مبارک ہو. اور ایسی ہزاروں تندرستی سے بھرپور سالگرہ دیکھے.

آمین

شاکر عزیز، اجمل صاحب اور جہانزیب آپ سب کا سارہ بٹیا کے لئے نیک تمناؤں کے اظہار کے لئے بہت بہت

بڑی پیارئ ہے! اللہ سدا خؤش رکھے!

اللھ خوشیاں عطا کرے اور والدین کے لئیے قرت

اللہ اسے خوشیاں عطا کرے اور والدین کے لئیے قرت العین بنائے (امین)

بیٹی کو رب العزت کوئی غم نہ دکھائے
بیٹی پر ہمارا بھی ایک شعر ہے

زندہ مثال ہےجہاں میں صبر و شکر کی
سسرال جیسا بھی ہوبیٹٰی نباہ کرتی ہے

سارہ منیر کو سالگرہ کی بہت بہت مبارکباد
خُدا ہماری بھتیجی کو عمرِ‌ خضر عطا فرمائے۔

شعیب صفدر صاحب، اسماء صاحبہ، افضل صاحب اور ساجد صاحب آپ سب کا بیحد شکریہ

گو دیر سے سہی لیکن ہماری طرف سے بھی سارہ بٹیا کو مبارکباد…………..اور ہاں اپنے پلے سے سارہ کیلیے میری طرف سے تحفہ(چاکلیٹ) لینا نہ بھولیے گا. 😉

شکریہ ساجد اقبال ….. تحفہ دینے کے لئے پاکٹ میری اور پھر بھی اتنی کنجوسی … سارہ آپ سے بہت ناراض ہے.

بہت پیاری ہے ۔ ۔۔ ۔ ۔خوش رہے بہت

سالگرہ مبارک سارا۔۔۔۔۔
.-= طارق راحیل´s last blog ..ماہ رمضان اور ہم 1::: ماہ رمضان کے فائدے ( فضیلتں)1 =-.


Where's The Comment Form?

Liked it here?
Why not try sites on the blogroll...

%d bloggers like this: