ایس ایم ایس اور روٹی

Posted on 18/09/2009. Filed under: موبائیل زون, پاکستان, طنز و مزاح | ٹيگز:, , , |

بقول زونگ “سب کہہ دو“
کرنے کو کچھ ہے نہیں، اس لئے کہنے میں کیا حرج ہے، کیونکہ روٹی جو نہیں ہے۔

ایس ایم ایس اور روٹی


2003
ایس ایم ایس روٹی
Rs.6.00

Rs.2.00

2004
ایس ایم ایس روٹی
Rs.5.00 Rs.2.50
2005
ایس ایم ایس روٹی
Rs.2.00 Rs.3.00
2008
ایس ایم ایس روٹی
Rs.0.23 Rs.5.00
2009
ایس ایم ایس روٹی
Rs.0.010 Rs.7.00
Read Full Post | Make a Comment ( 1 so far )

موبائل واچ

Posted on 17/02/2009. Filed under: موبائیل زون | ٹيگز:, |


چائنہ کمپنی Cect کی اس مسکین سی، سادہ سی گھڑی کو دیکھ کر آپ اس کی سادگی پر فدا نہ ہو جائیے! اس میں بہت ساری خصوصیات ہیں یعنی یہ صرف گھڑی ہی نہیں ہے بلکہ عمران سیریز اور دیگر جاسوسی ناولوں میں جس ‘واچ فون‘ یا ‘واچ ٹرانسمیٹر‘ کا ذکر قدم قدم پر ملتا ہے اور جس کے بغیر جاسوس صاحب کا دھندا چل ہی نہیں سکتا، وہ اس میں سچ مچ موجود ہے۔ اس کے ہوتے ہوئے آپ خود کو جیمز بانڈ، فریدی، حمید بلکہ علی عمران بھی تصور کر سکتے ہیں۔ اس کے علاوہ اس میں ٹچ سکرین ڈسپلے کی سہولت بھی موجود ہے۔ ایک گیگا بائٹ فلیش میموری کے ساتھ اس میں ایک انٹیگریٹیڈ ایف ایم ریڈیو اور ١۔٣ میگا پکسل کا کیمرہ بھی ہے۔ اور ابھی کہاں ۔۔۔۔۔۔۔ ٹھہرئیے، اس میں ایم پی ای جی فور MPEG4 فائل فارمیٹ بھی ہے۔ جبکہ ہاتھوں کے استعمال کے بغیر فون پر گفتگو کرنے کے لئے بلیو ٹوتھ ٹیکنالوجی بھی اپنی کارکردگی دکھا رہی ہے۔ اتنی مختصر جسامت میں اتنی بہت ساری چیزوں کا ایک ساتھ وجود ۔۔۔۔۔۔۔۔۔۔ کہیئے کیا خیال ہے؟

Read Full Post | Make a Comment ( 1 so far )

مشتری ہوشیار باش!

Posted on 08/11/2008. Filed under: قانون، آرڈیننس | ٹيگز:, , , |

موجودہ حکومت نے سائبر کرائم آرڈیننس کی تجدید کر دی ہے واضع رہے کہ اس آرڈیننس کو سابق صدر پرویز مشرف نے جاری کیا تھا۔ اب اس تجدید شدہ آرڈیننس کے تحت ایف آئی اے کسی شخص، ادارے کا سسٹم، موبائل، کیمرہ شک کی بنیاد پر تحویل میں لے سکتا ہے۔ اس آرڈیننس کے تحت حکومت نے ٢١ جرائم کی تفصیلات جاری کر دی ہیں۔
ان ٢١ جرائم میں چند ایک یہ ہیں۔
بغیر اجازت کسی کی تصویر کھینچنا
انٹرنیٹ یا موبائل کی مدد سے کسی کو ایسا پیغام بھیجنا جسے ناپسندیدہ، غیراخلاقی اور بیہودہ سجمھا جائے۔ (اس کا فیصلہ کون کرے گا کہ آیا واقعی یہ پیغام غیر اخلاقی ہے یا نہیں اور ناپسندیدہ والی بات سمجھ سے باہر ہے)
ایسی ای میل جس کو وصول کرنے والے نے خواہش نہ کی ہو (سبھی نیٹ یوزر جیل جانے کی تیاری کس لو)
مہلک ہتھیاروں کے بارے میں انٹرنیٹ سے خفیہ معلومات نقل کرنا یا چرانا
سائبر کرائم آرڈیننس کے تحت ان ٢١ مختلف جرائم کے لئے تین سے دس سال قید، بھاری جرمانے اور عمر قید کے علاوہ موت کی سزا بھی شامل ہے اور ان میں کئی ناقابل ضمانت ہیں۔ اس پر عملدرآًمد کا اختیار ایف آئی اے کو دیا گیا جو پہلے ہی اپنی اچھی شہرت کی وجہ سے کافی مشہور ہے۔ اور اب سونے پہ سہاگہ ان لامحدود اختیارات کے ساتھ دیکھیں اس قانون پر کب، کہاں، کیسے اور کس حد تک عمل ہوتا ہے۔

Read Full Post | Make a Comment ( 1 so far )

سائبر کرائم آرڈیننس

Posted on 11/01/2008. Filed under: قانون، آرڈیننس, ٹیکنالوجی, پاکستان | ٹيگز:, , , , , |

روزنامہ جنگ کی خبر کے مطابق سائبر کرائم آرڈیننس نافذکر دیا گیا ہے جو  دسمبر 2007ء سے نافذ العمل ہوگا۔ اس سلسلے میں نگران وفاقی وزیر انفارمیشن ٹیکنالوجی ڈاکٹر عبداللہ ریاڑ نے کہا ہے کہ سائبر کرائم آرڈیننس نافذکر دیا گیا ہے جس کے تحت سنگین نوعیت کے جرائم کمپیوٹر سے ایٹمی اثاثہ جات کو ہیک کر کے نقصان پہنچانے، دہشت گردی اور فراڈ سمیت موبائل فون کے ذریعے کال یا ایس ایم ایس کے ذریعے جرائم پر زیادہ سے زیادہ موت کی سزا دی جا سکے گی،انٹرنیٹ اور موبائل فون کے ذریعے دھمکی آمیز پیغامات بھی جرائم میں شامل ہوں گے۔ سائبر کرائم کی سماعت کیلئے 7 رکنی ٹربیونل اگلے ماہ قائم کر دیا جائے گا اورجن ممالک کے ساتھ معاہدہ موجود ہے، ان سے سائبر کرائم کے مرتکب مجرمان کا تبادلہ کیا جا سکے گا۔ جوہری اثاثہ جات، آبدوزوں، طیاروں کے کمپیوٹرائزڈ سسٹم کو ہیک کر کے نقصان پہنچانے سمیت سنگین نوعیت کی دہشت گردی پر موت کی سزا دی جا سکے گی جبکہ 18 نوعیت کے مقدمات کا احاطہ کیا گیا جن پر ٹربیونل سزائیں دے سکے گا۔ ان جرائم کی تشریح بہت وسیع ہے جس میں سائبر سے متعلق تمام نوعیت کے جرائم کا احاطہ ہو جاتا ہے۔ ایک سوال کے جواب میں انہوں نے کہاکہ جن جرائم کی ٹربیونل سماعت کریگا، ان میں کمپیوٹر کے ذریعے کسی دوسرے کے کمپیوٹر تک رسائی، ڈیٹا تک رسائی، ڈیٹا کو نقصان پہنچانا، سسٹم کو نقصان پہنچانا، آن لائن فراڈ کرنا جن میں جعلی اے ٹی ایم کارڈز کے ذریعے رقوم نکلوانا اور دوسروں کے کارڈز کے کوڈ استعمال کرنا، الیکٹرونک سسٹم یا آلات کا غلط استعمال، کمپیوٹر اور دیگر آن لائن آلات کے کوڈ تک غیر قانونی رسائی حاصل کرنے، اینکرپشن کا غلط استعمال، کسی کا کوڈ بدنیتی کی بنا پر استعمال کرنا، سائبرا سٹاکنگ، اسپامنگ، اسپوفنگ، بلااجازت مداخلت کرنا، سائبر دہشت گردی میں شامل ہے۔ ڈاکٹر عبداللہ ریاڑ نے کہا کہ دنیا بھر کے 41 ممالک میں سائبر کرائمز قوانین نافذ ہیں پاکستان 42 واں ملک بن گیا ہے جبکہ اس قانون پر عملدرآمد کیلئے 60 سے زیادہ ممالک سے تعاون حا صل کیا جاسکے گا۔ ایف آئی اے کا سائبر کرائمز ونگ اس قانون کے تحت مقدمات کا اندراج تحقیقات اور پیروی کی ذمہ داری نبھائے گا۔ سینئر مشیر شریف الدین پیرزادہ کی سربراہی میں کمیٹی نے سفارشات پیش کی ہیں ان کی روشنی میں سات رکنی انفارمیشن کمیونیکشن ٹربیونل قائم ہوگا جس میں سیشن جج کی سطح کے ارکان ہونگے۔ ٹربیونل کے فیصلوں کے خلاف ہائی کورٹ میں اپیل کی جاسکے گی جبکہ سپریم کورٹ میں ایسے مقدمات کی سماعت کا نظام وضع کیا جائیگا جو ایک ماہ کے اندر قائم کر دیا جائیگا۔ صدر پرویز مشرف کے حکم پر سائبر کرائمز آرڈیننس 31 دسمبر 2007ء سے نافذ العمل ہوگا۔ وفاقی وزیر عبداللہ ریاڑ نے بتایا کہ جرائم میں کمپیوٹرز کے ذریعے معلومات ڈیٹا چوری کرنا ویب سائٹس کو نقصان پہنچانا اور خفیہ دستاویزات تک رسائی جیسے جرائم شامل ہیں۔

Read Full Post | Make a Comment ( None so far )

عید کا خاص تحفہ

Posted on 14/10/2007. Filed under: موبائیل زون | ٹيگز:, , |

آپ کے موبائیل کے لئے عید کا خاص تحفہ، عید کے حوالے سے دو عدد رنگ ٹون حاضر خدمت ہیں۔ لوڈ کیجیئے اور دعا دیجیئے۔

اللہ اللہ ۔۔ فلم خدا کے لئے

مبارک عید مبارک

 

 

اپنے دوستوں اور  پیاروں کو ایس ایم ایس کرنے کے لئے عید ٹیکسٹ میسیج یہاں ملاحظہ کیجیے۔

Read Full Post | Make a Comment ( 1 so far )

Liked it here?
Why not try sites on the blogroll...