میرے پرندے میرے بچے

Posted on 18/07/2009. Filed under: شعروادب | ٹيگز:, , , , , , , , , |

میرے ننھے گھر کے اندر
اک ننھا سا پیڑ لگا ہے
پیڑ کا سایہ تھوڑا ہے پر بہت گھنا ہے
کچھ دن پہلے، نیلے پیلے لال پروں والی دو چڑیاں
نازک نازک گھاس کے تنکے ڈھونڈ کے لائیں
اک گھر کی بنیاد بنا کر گھونسلا اک ننھا سا بنا کر
چڑیا دن بھر بیٹھی رہتی اور چڑا محنت سے دن بھر دانہ لاتا
چڑیا کے دو بچوں کی آوازیں سن کر
میں اور میرا ساتھی دونوں خوش ہو گئے
گھونسلے کو آفت سے بچاتے
آج صبح وہ دونوں چڑیاں بچے لیکر
گھونسلا چھوڑ کے چلی گئی ہیں
ہم دونوں خاموش کھڑے ہیں
اک دوجے کو دیکھ رہے ہیں سوچ رہے ہیں
ہم دونوں جب بوڑھے ہوں گے
بچے اپنے ہی اس گھر کے کمرے میں
ایک نئے ننھے گھر کی بنیاد رکھیں گے
اور پھر ان چڑیوں کی مانند
اپنے بچے لے جائیں گے
گھر کو سونا کر جائیں گے
میں اور میرا ساتھی اس دن مر جائیں گے
اک ننھے سے گھر کے اندر ایک اور ننھے گھر کا منظر
کتنا پیارا لگتا ہے
لیکن جب اس گھر کے باسی اور کسی منزل کی جانب اڑ جائیں
تب گھر ویرانہ لگتا ہے
دل بھی رونے لگتا ہے
گھر بھی رونے لگتا ہے
عظمٰی گوہر

Read Full Post | Make a Comment ( 3 so far )

برین اور فیلنگز

Posted on 15/04/2009. Filed under: رسم و رواج | ٹيگز:, , , , , , , |

اُس کی بیوی ایک کار ایکسیڈنٹ میں زخمی ہو گئی ہے اور اُس کی حالت انتہائی خراب ہے۔ وہ اِس کے لئے خوراک کا انتظام کرنے گیا تھا لیکن واپسی پر اسے یہ خطرناک منظر دیکھنے کو ملا۔ وہ انتہائی بے چینی کی حالت میں جب تک اس کے پاس پہنچا اس کے باقی ماندہ سانسیں بھی ساتھ چھوڑ چکی تھیں۔ وہ افسردوہ ہے کیونکہ وہ اس سے بے پناہ پیار کرتا ہے۔ اس کے وہم و گمان میں بھی نہ تھا کہ کبھی ایسا منظر بھی اسے دیکھنا پڑے گا۔ اسے احساس ہے کہ اب وہ ہمیشہ کے لئے اس کا ساتھ چھوڑ کے جا چکی ہے۔ اب اُس کا بے جان جسم ہے اور اِس کی بے چین روح۔
ان تصویروں پر اور ان معصوم پرندوں کی فیلنگ پر آپ اپنے انداز میں تبصرہ کر سکتا ہیں۔





Read Full Post | Make a Comment ( None so far )

Liked it here?
Why not try sites on the blogroll...